လက်ကျန်

 ကိုယ့်​အမှား​ကို ကိုယ်ဝန်မခံသ​ရွေ့​
ငါနဲ့​ လာမပတ်သက်နဲ့​.....။

ကိုယ့်​အတ္တကို ကိုယ်ပြန်မမြင်​သေး​သ​ရွေ့​
ငါ့​လက်ကို လာမတွဲနဲ့​.....။

ဟိုကူး​ချ ဒီကူး​ချ ပညာ​ပေး​စာ​တွေတင်ပြီး​
ကိုယ်တိုင်တစ်ခုမှ မလိုက်နာနိုင်သ​ရွေ့​
ငါ့​ဘဝဒဿနထဲ ဝင်မလာနဲ့​။

သူများ​ကိုပဲ လက်ညိုး​ထိုး​ထိုး​နေတဲ့​လက်
ကိုယ့်​ဘာသာ ပြန်လက်ညှိုး​ထိုး​နိုင်တဲ့​နေ့​ကျမှ
ငါ့​သံ​ယောဇဉ်ကို လက်ညိုး​ထိုး​လှည့်​။

တလံတလျား​
ရာဇသံ​ပေး​စရာမလို
ကိုယ့်​အသိနဲ့​ ကိုယ်သိ
ဒါ.... မင်း​အတွက်......
​နောက်ဆုံး​ရေး​တဲ့​
ငါ့​ရဲ့​................
သံ​ယောဇဉ် လက်ကျန်ကဗျာပဲ။

လင်း​ဦး​(စိတ်ပညာ)