တမ်း​တ​ကော်ဖီ

ကျွန်​တော်သိတဲ့​ အချစ်ဟာ ရိုး​သား​မှု
တကယ် ကြံု​နေရတာ ဆိုး​ရွား​မှု...
သူမရဲ့​ အချစ်​ကောက်​ကြောင်း​ ရိုး​သား​ချက်မှာ
အပြံုပန်း​တွေ​ဝေဆာ​နေတဲ့​ တန်ဖိုး​တွေပါတယ်...
စကား​ဝှက်လိုလို စကား​လုံး​တွေပါတယ်....
တစ်ချက်ချက်နဲ့​ စည်း​ချက်လိုလို ပွင့်​ထွက်မှု​တွေပါတယ်....
တံလျှပ် စကား​လုံး​တွေက တစ်ချက်ချက် ကျွန်​တော့်​ရင်ကို ထိတယ်...

ကီး​ဘုတ်ထက်က လက်ဆယ်​ချောင်း​ရဲ့​
​ပျော်ဝင်မှု ပီတိ​တွေထက်
ကျွန်​တော့်​စီး​ဝင်း​မှု
သူမရဲ့​ ရင်ထဲ မဖြတ်သန်း​ဘူး​...။
Screen ​ပေါ်က အ​ရောင်မျိုး​စုံရဲ့​
သဏ္ဍန်မဲ့​ ထွက်ဆိုချက်​တွေထက်
ကျွန်​တော့်​ နှလုံး​သား​အ​ရောင်က
မလွှမ်း​မိုး​နိုင်ပြန်ဘူး​....။


အဲ့​ဒီလို ​ပျော်ဝင်မှု ​စေတမန်ဟာ
သူမ ရင်ထဲကို
ဗီဇာမပါဘဲ အမြဲဝင်ထွက်ခွင့်​ရှိတယ်...
ပတ်သက်ခွင့်​ စာတန်း​မှာ
အဲ့​ဒီ ခင်မင်မှုစကား​လုံး​တွေ​လောက်
ကျွန်​တော့်​နှလုံး​သား​က ဖတ်မ​ကောင်း​ပြန်ဘူး​...။

လက်တစ်ကမ်း​မြှား​ချက်မှာ
အသက်ရှူ​တွေမွန်း​ကြပ်
တစ်ချက်တစ်ချက် ပစ်သွင်း​ခဲ့​
ဒီလိုနဲ့​
စူး​နစ်မှု ပင့်​သက်တစ်ခုမှာ
အချစ်ဟာ အရာမဝင်ခဲ့​.....။

သူမရဲ့​ ​ပျော်ဝင်မှု​ကောက်​ကြောင်း​မှာ
သတိရမှု​တွေ ရှိခဲ့​...........
​မျှော်လင့်​မှု​တွေ ရှိခဲ့​...............
​စေစား​မှု​တွေ ရှိခဲ့​..................
ဒီလိုနဲ့​ပဲ
ချစ်ခြင်း​တွေ ​ပျောက်ကွယ်သွား​ခဲ့​.....
အဲ့​ဒီသံ​ယောဇဉ်လှိုင်း​တွေကြား​
အမြှုပ်တစီစီနဲ့​
တစ်စတစ်စ အရည်​ပျော်ကျ သွား​ခဲ့​တယ်

အဲ့​ဒီ သံ​ယောဇဉ်ရာသီမှာ
-------------------------------
-------------------------------
-------------------------------
-------------------------------
ရာသီထဲက မလွတ်​မြောက်နိုင်ခဲ့​.....
ဘာပဲဖြစ်ဖြစ်
ဒီမနက်​တော့​
သူမ​ဖျော်​ပေး​တဲ့​ ​ကော်ဖီတစ်ခွက်​တော့​
ကျွန်​တော် ​သောက်ချင်​သေး​တယ်........။

လင်း​ဦး​(စိတ်ပညာ)