ဖြတ်သန်း​ခဲ့​သမျှ ဘ​လော့​ဂ်ဂါသမိုင်း​

ကို​အောင်နဲ့​ အဖြူ​ရောင်နတ်သမီး​ခေါ် မနမ်း​မဝတို့ ​က Blog Day အတွက် ​ရေး​စေချင်လို့​ Tag ခဲ့​ပါတယ်။ ကျွန်​တော့်​အ​နေနဲ့​လည်း​ အမှန်အတိုင်း​ပြောရရင် ​ရေး​ရမယ်ဆိုရင် မြန်မာဘ​လောဂ့်​တွေကို ​ဝေဖန်ချင်တာ​နေတာက ဦး​ဆုံး​ဖြစ်​နေ​လေ​တော့​ မ​ရေး​ချင်ဘူး​။ ဒါ​ပေမယ့်​ ​ရေး​ကို ​ရေး​သင့်​တယ်ထင်လို့​ကို ​ရေး​ပါဦး​မယ်။

“ဦး​ဆုံး​ Blog ဖြစ်တည်မှု”

ကျွန် ​တော်ဟာ သတင်း​လိုက်ဖတ်ရင်း​ ပြင်သစ် Blogger တစ်​ယောက်ရဲ့​ Blog ကို ​ရောက်ခဲ့​ပါတယ်။ သူ့​Blog ဆီက Create Blog ဆို​တော့​ စပြီး​ စမ်း​သပ်ခဲ့​တယ်။ ၂၀၀၇ နှစ်စပိုင်း​မှာ ကျွန်​တော့​ နာမည် မသုံး​ခဲ့​ပါဘူး​။ Demolition man ဆိုပြီး​ လုပ်ခဲ့​တာပါ။ စာ​တွေ မထည့်​ရေး​သေး​ပါဘူး​။ ကျွန်​တော်က Game ဝါသနာအိုး​ဖြစ်တာနဲ့​အညီ အွန်လိုင်း​ Flash Game များ​ရဲ့​ ကုဒ်​တွေယူပြီး​ Blog စာမျက်နှာဆီမှာ တင်​လေ့​ရှိပါတယ်။ အင်္ဂလိပ်သတင်း​တွေကို ကူး​ယူ တင်​လေ့​ရှိတယ်။

“မြန်မာစာဖြင့်​ စတင်​ရေး​ဖြစ်ခြင်း​”

ဒီ ​နောက်မှာ​တော့​ ကျွန်​တော်လည်း​ နာမည် အရင်း​သုံး​ပြီး​ ​ရေး​ချင်လာခဲ့​မိတယ်။ ဒီလိုနဲ့​ ​ဘောလုံး​ဝါသနာအိုး​ဖြစ်တာနဲ့​အညီ၊​ အာဆင်နယ် ပရိတ်သတ်အဖြစ် http://linoo2007-arsenalclub.blogspot.com ကို ၂၀၀၇ ခုနှစ်၊​ ဩဂုတ်လမှာ စတင် လုပ်ခဲ့​ပါတယ်။ ဒီအချိန်မှာ မပန်ဒိုရာတို့​၊​ ကိုစိုး​ထက်တို့​ ကိုညီလင်း​ဆက်တို့​ လာဖတ်​လေ့​ ရှိကြပါတယ်။ ​ဘောလုံး​ဝေဖန်​ရေး​ဆောင်း​ပါး​၊​ အ​တွေ့​အကြံုများ​ကို စတင်​ဝေမျှ ​ရေး​သား​ခဲ့​ပါတယ်။ ဒါ​ကြောင့်​လည်း​ မပန်ဒိုရာတို့​ကအစ လင်း​ဦး​(အာဆင်နယ်)လို့​ လင့်​ချိတ်​လေ့​ ရှိပါတယ်။ ​နောက်ပိုင်း​တော့​ Domain အမျိုး​မျိုး​ပြောင်း​ပြီး​ လင်း​ဦး​(စိတ်ပညာ)နာမည်နဲ့​ ဆက်​ရေး​ ပါတယ်။

“Blog ​ပေါ်က နည်း​ပညာ”

ဒီအချိန်မှာပဲ ဘ​လော့​ဂ်ဂါ​တွေအတွက် အ​ရေး​ကြီး​ဆုံး​ EOT ​တွေ၊​ ပြင်ဆင်မှု​တွေကို လုပ်ဖို့​ လိုအပ်ချက်​တွေကို ကိုရန်​အောင်၊​ ကို​မောင်လှ၊​ ကိုညီလင်း​ဆက်တို့​၊​ ကိုမင်း​ကျော်တို့ ​ မျှ​ဝေ​ပေး​နေပြီဖြစ်တယ်။ သူတို့​တွေရဲ့​ ​ကျေး​ဇူး​ကြောင့်​ Myanmar Blogger ​လောကဟာ တစ်စတစ်စ အပြင်အဆင်​ရော နည်း​ပညာအရ တိုး​တက်လာတယ်လို့​ ဆိုနိုင်ပါတယ်။

“အဲ့​အချိန်က ဘ​လော့​ဂ်ဂါ”

အဲ့ ​အချိန်က ဘ​လော့​ဂ်ဂါ အများ​စုဟာ ဒီ​ခေတ် ​ဝေဖန်​ရေး​သမား​တွေလို Blog ဆိုတာ ကိုယ့်​ခံစား​ချက်၊​ ကိုယ်​ရေး​ချင်တာ​ရေး​၊​ ဂျီ​မေလ်း​တစ်ခုရှိရုံနဲ့​ ဘ​လောဂ်တစ်ခု တည်​ဆောက်လို့​ ရတာပဲ ဆိုတဲ့​ ပုံစံမျိုး​မဟုတ်ဘဲ၊​ ​စေတနာထား​ ၊​ ​ဝေမျှချင်စိတ်အပြည့်​ရှိကြတယ်ဆိုတာ ​တွေ့​ရပါတယ်။

"အနာဂတ်လှိုင်း​၏ ဆုံမှတ်များ​"
ဒီ​နေရာမှ ကိုရန်​အောင်တို့​၊​ ကို​မောင်ပွတ်တို့​၊​ ကိုဖြိုး​တို့​၊​ ကိုစိုး​ဇေယျတို့​နဲ့​ ဘ​လောဂ်ဂါ​တွေ လုပ်ခဲ့​ကြတဲ့​ "အနာဂတ်လှိုင်း​၏ ဆုံမှတ်များ​" ဖွဲ့​တည်မှု​လေး​ကို ချန်ထား​လို့​ မရပြန်ပါဘူး​။ ဒါ​တွေဟာလည်း​ မြန်မာဘ​လောဂ့်​ဂါ​တွေရဲ့​ သမိုင်း​မှတ်တိုင် တစ်ခုပါပဲ။

“ကိုစိုး​ထက်တို့​ ဦး​ဆောင်​သော​ခေတ်”

​ဒေါက်တာစိုး​ထက် စီ​ဗောက်ကို သတင်း​မ​ပေး​၊​ အသိမ​ပေး​ရင် Myanmar Blogger မဟုတ်ဘူး​လို့​တောင် ​ပြောစမှတ် ပြုခဲ့​ကြသလို လူချစ်လူခင်​ပေါများ​တဲ့​ ဘ​လော့​ဂ်ဂါတစ်​ယောက် ရပ်တည် ​ပေါ်​ပေါက်ခဲ့​ဖူး​ပါတယ်။ ​နောက်ပိုင်း​ ကိုစိုး​ထက်ကို တိုက်ခိုက်တဲ့​ လူတစ်စုလည်း​ ​ပေါ်လာပြန်​တော့​ အ​နှောင့်​အယှက်​တွေ ဖြစ်လာကြတယ်။ ကိုရန်​အောင်၊​ ကိုမင်း​ကျော်၊​ ကိုညီလင်း​ဆက်၊​ ကိုသင်ကာ၊​ ​ ကို​နေဘုန်း​လတ်(လက်ရှိ ​ထောင်ထဲတွင်) ၊ ​မောင်မျိုး​ (​ပျောက်ပြန်​ပေါ်)၊  ကို​တေ (အဲ့​တုန်း​က ဒီမိုက​ရေစီအတွက် ဦး​ဆုံး​ရန်ဖြစ်​နေကြ၊​ ဖဲ့​ခံ​နေရ ဘ​လော့​ဂ်ဂါတစ်​ယောက်ပါ)၊​ ကို​မော်စီ၊​ ကို​ဆောင်း​ယွန်း​လ၊​  ညီငယ်ထူး​တေဇာ၊​ ဘစ်ဂတ်တူ၊​ မနိုင်း​နိုင်း​စ​နေ၊​ မပန်ဒိုရာ၊​ မ​လေး​မ၊​ မဂျစ်တူး​၊​ မမြရွက်​ဝေ၊​ အိုကီဆု၊​ မဘာညာ၊​ မပင့်​ဂိုး​၊​ TuZ Zaung ၊​  မရွှန်း​မီ၊​ မလုလု တို့​ဆီကို သွား​ရောက်လည်ပတ် ဖတ်​လေ့​ရှိပါတယ်။

ဒီဘက်ပိုင်း​ အလယ်​ခေတ်လို့​ဆိုရမယ့်​ သူ​တွေထဲမှာ ကိုဒီဘီ​အေ၊​ ကို​အောင်သာငယ်၊ ညီငယ်ညိမ်း​ညို​၊​ ကို​အောင်(ပျူ)၊​ မင်း​ကျန်စစ်၊​ အဇ္ဈတ္တပြခန်း​၊​ မင်း​ယွန်း​သစ်​၊​ ဗညား​ရှိန်၊​ ကို​ဇောင်း​၊​ ညီငယ်သူရဿဝါ၊​ ညီငယ်​ကျော်ညို​သွေး​၊​ ကို​ဇော်(Multiply မှာကတည်း​ ဖတ်ခဲ့​ရတယ်။)၊​ ​ရွှေရတုမှတ်တမ်း​ (ကွယ်လွန်သူ ဘကြီး​ကျောက်)၊​ မဝါဝါခိုင်မင်း​၊ ကိုရင်​နော်ခင်​လေး​ငယ်၊​ ​ မသက်ဇင်၊​ မနှင်း​ဆီနက်၊​ မအိန္ဒြာ၊​ မက်မက်၊​ မှူး​ဒါရီ၊​ သဇင်နီ၊​ မခိုင်စိုး​လင်း​၊​ ညီမငယ် သွန်း​သွန်း​၊​ မဇူး​ဇူး​၊​ မ​ချော၊​ မနမ်း​မဝ၊ ​ တို့​ဟာ ရသ၊​ကဗျာပိုင်း​၊​ အ​တွေ့​အကြံု​တွေမှာ ဖြန့်​ဝေ​ရေး​သား​ မျှ​ဝေခဲ့​တဲ့​ ဘ​လောဂ်ဂါ​တွေ ဖြစ်ခဲ့​ပါတယ်။ ဒါ့​အပြင် စာ​ရေး​ဆရာ ​ရွှေလမ်း​ငွေလမ်း​ဝင်း​ကြည်ဟာ မ​ကွေး​က​နေ မရမက အွန်လိုင်း​တက်ပြီး​ စာ​ပေ အ​ကြောင်း​အရာ​တွေကိုမျှ​ဝေရင်း​ ဘ​လောဂ်ဂါအဖြစ် ခံယူခဲ့​သူ ဖြစ်ခဲ့​တယ်။ ဒီအလယ်​လောက်မှာပဲ အခြား​သော စာ​ရေး​ဆရာများ​လည်း​ ဘ​လောဂ်ဂါ ​တွေဖြစ်လာကြတယ်။

“Wordpress နဲ့​ ဘ​လောဂ့်​ဂါ”

Blogspot မှာတင်မဟုတ်ဘဲ Wordpress မှာ Hosting ​တွေ ဘယ်လိုလုပ်မရမလဲဆိုတာက အစ ကူး​ပြောင်း​ကာလကို စတင် နည်း​ပညာ​ပေး​ခဲ့​ကြပါတယ်။ Myanmar Wordpress ၊​ Wordpress Myanmar ​တွေကို ​ထောင်ပြီး​ ​စေတနာသန့်​သန့်​နဲ့​ မျှ​ဝေခဲ့​ကြတယ်။

“မိုး​ဦး​လေပြည် နဲ့​ ဘ​လော့​ဂ်ဂါများ​”

ဒီအလယ် ​ခေတ်မှာ ရသစာ​ပေကို အ​လေး​ထား​တဲ့​ ဘ​လောဂ်ဂါ​တွေ များ​လာတယ်လို့​ ဆိုရမယ်။ ညီငယ်​ကျော်ညို​သွေး​ရဲ့​ အကြံ​ပေး​ချက်နှင့်​အတူ “မိုး​ဦး​လေပြည် ကဗျာ/အက်​ဆေး​” စာအုပ်ကို ကျွန်​တော်ဦး​ဆောင်ပြီး​ ဝိုင်း​ဝန်း​ လုပ်​ဆောင်ကြတယ်။ ဒါဟာလည်း​ ရသပိုင်း​ဆိုင်ရာ ဘ​လောဂ့်​ဂါ ​တွေရဲ့​ မှတ်တိုင်တစ်ခုလို့​ ဆိုပါရ​စေ။

“​နောက်ပိုင်း​ဘ​လောဂ်ဂါ”

ရှေ့​ကဘ​လောဂ်​တွေနဲ့​ သိပ်မ​ဝေး​တဲ့​ အချိန်ကာလမှာ ​ရေး​ခဲ့​သူ​တွေ များ​ကြ​ပေမယ့်​ ခံယူချင်း​ မတူတာလား​၊​ ဒါမှမဟုတ် ဒီ​ခေတ်ရဲ့​ ​ဝေဖန်​ရေး​ ​လေကန်​ရေး​အချို့​ကြောင့်​လား​တော့​ မသိပါ။ ကိုယ့်​ဟာကိုယ် ဘယ်လို​ရေး​ရေး​ ဘာမှမဖြစ်​ပေမယ့်​ ကျွန်​တော့်​အတွက်​တော့​ အ​ရှေ့​ပိုင်း​ ဘ​လော့​ဂါ​တွေ​လောက် ဖတ်ရတာ အဆင်မ​ပြေဖြစ်လာပါတယ် (အကုန်လုံး​မဟုတ်ပါ၊​ ​ကောင်း​တဲ့​သူလည်း​ ​တော်​တော်​လေး​ကို ​တော်လွန်း​ ​ကောင်း​လွန်း​ပါတယ်)။ ဒါက ကျွန်​တော့​ အမြင်ပါ။ ဆဲသွား​ရင်လည်း​ မတတ်နိုင်ပါဘူး​။ သူတို့​ကို အပြစ်လည်း​ ​ပြောတာမဟုတ်သလို ​ပြောလည်း​ ​ပြောလို့​မရပါဘူး​။ သူတို့​က ကိုယ့်​စာမျက်နှာ ကိုယ့်​ဟာကိုယ်​ရေး​တာ ဘာ​ရေး​ရေး​ ​ပေါ့​လေ။ ဘယ်လိုဖြစ်ဖြစ် တစ်ခုခု​တော့​ ​ပေး​နေတာပါပဲ။

“လက်ရှိအ​ခြေအ​နေ”

ကိုနိုင်ထွန်း ​ရဲ့​ အဖြူ​ရောင်သံစဉ်ကို ဟိုး​ကတည်း​က ဝင်ကူခဲ့​သလို၊​ လက်ရှိလည်း​ ကူညီ​နေ ပါတယ်။ ​နောက်တစ်ခုက​တော့​ ဂျက်ဇ်မြူး​ဇစ်​ရေဒီယိုမှာလည်း​ လိုအပ်သလို ဝင်ကူခဲ့​ပါတယ်။ ယူနီကုတ်ဟာ မြန်မာစာ​ပေမှာ အဓိက ကျလာတာမို့​ ဒီဘက်ပိုင်း​လည်း​ ဝင်လုပ်တယ်။ အား​ကစား​ကဏ္ဍအဖြစ် www.myanmarepl.com ကိုလည်း​ လုပ်​နေပါတယ်။ အလုပ်ကလည်း​ ရှုပ်တဲ့​ကာလမို့​ ဒီဘက် ဘ​လော့​ဂ်ပိုင်း​ ပို့​စ်အမြဲတမ်း​ မတင်ဖြစ်​တော့​တဲ့​ အ​ခြေအ​နေ ဖြစ်သွား​ရ ပါတယ်။

“ဖြတ်သန်း​ခဲ့​သမျှ”

အခု ​တော့​ ဘ​လောဂ်မှတ်တမ်း​ ဘ​လော့်​ဂါဘဝမှာ ကျွန်​တော် သိပ်ကြိုက်တဲ့​ ဘ​လောဂ်ဂါ​တွေ တစ်​ယောက်ပြီး​တစ်​ယောက် ဆက်လက် မ​ရေး​နိုင်​တော့​တာကို ​တွေ့​နေရပါတယ်။ ​ပြောရပါဦး​မယ်။ လမ်း​လွှဲ​နေတဲ့​ အယူအဆ​တွေကို ​စေတနာ သန့်​သန့်​နဲ့​ ​ထောက်ပြ​နေတဲ့​ အချိန်မှာ လာ​ရောက်ဆဲဆိုကြ၊​ မ​ကောင်း​ပြောကြနဲ့​ ပုဂ္ဂိုလ်​ရေး​ တိုက်ခိုက်တာကအစ ကျွန်​တော်တို့​တွေ ကြံု​တွေ့​ခဲ့​ရပါတယ်။ ကဗျာဝါဒ၊​ ကဗျာ ဒဿန၊​ ရသအ​ပေါ် အယူအဆကအစ ​နောက်ပိုင်း​ ကွဲလွဲလာတာ​တွေ ​တွေ့​ခဲ့​ရပါတယ်။ စိတ်မ​ကောင်း​မှု​တွေသာ ကျွန်​တော်တို့​ ​တွေ့​ရှိ ရရှိခဲ့​ကြတယ်။

ဒါ ​ကြောင့်​ ဘယ်တုန်း​က ဘယ်ဘ​လော့​ဂ်ဂါပဲဖြစ်ဖြစ် ​ရေး​နေတဲ့​ဟာ​တွေ ရပ်ပြီး​ စိတ်မပျက်ကြပါနဲ့​။ ကွန်မတ်မရလို့​လဲ စိတ်မပျက်ပါနဲ့​၊​ လာမလည်ကြလို့​လည်း​ စိတ်ပျက်ကြပါနဲ့​။ ​စေတနာသာလျှင် အဓိကပါ။ တစ်​ယောက်လာရင် ကိုယ်​ပေး​ချင်တာ တစ်​ယောက်ရမယ်လို့​ မှတ်​စေချင်ပါတယ်။ 

လင်း​ဦး​(စိတ်ပညာ)