မဆုံး​သော မှတ်တိုင်များ​

ကမ္ဘာတစ်ခုလည်း​မဟုတ်
ကမ္ဘာတုလည်း​ မဟုတ်​သော
ကမ္ဘာတစ်ခုကို
တူး​ဆွ ​ဖော်ခဲ့​သော ညတစ်ည........။

နတ်သမီး​တစ်ပါး​က
ပေး​မက်ခွင့်​ပေး​သော
အိမ်မက်မဟုတ်​သော
အနာဂတ် ကမ္ဘာတစ်ခုကို
ဖန်တီး​ ​မှော်ဝင်​စေခဲ့​တယ်။

အဲ့​ညက
လမ်း​ဆုံး​ မဟုတ်​သော
လမ်း​ဆုံ တစ်ခုမှာ
ရပ်​နေခဲ့​.............။
သူ မဟုတ်​သော သူမက
သူမ မဟုတ်​သော သူ့​ကို
စိတ်ဝိဉာဉ်ပူး​ကပ်
အား​အင်​တွေလည်း​ ဖြစ်​စေခဲ့​တယ်။

ဟော....
ကမ္ဘာသစ်တစ်ခု​တောင် ဖြစ်ခဲ့​ပြီ.....
အဲ့​မှာ.....
မြက်ခင်း​စိမ်း​ရှိတယ်
ရေကြည် ရှိတယ်
အနာဂတ် ​နေ့​သစ်​တွေရှိတယ်
တေး​ညဉ်း​သံသဲ့​သဲ့​နဲ့​
အခြား​ကမ္ဘာ​တွေကို အံတု​နေပုံများ​
မှတ်တမ်း​တွေ​တောင် ထိုး​ကြပြီ။

ဒီလိုနဲ့​........
တူး​ဆွမှုရဲ့​ မှတ်တိုင်တစ်ခု
လတင်း​တင်း​ ပြည့်​ခဲ့​ပြီ။

ကဲ.......
လတ်တစ်​လော ကွာ​ဝေး​မှုကို အံတု
မဆုံး​နိုင်​သော မှတ်တိုင်​တွေ
ထပ် ….စိုက်လိုက်ရ​အောင်။...................။

လင်း​ဦး​(စိတ်ပညာ)
(၁၄-၆-၂၀၁၁)ရက်​နေ့​