Ubuntu Show

Linux ဆိုတာဘာလဲ။ Ubuntu ဆိုတာဘာလဲ။ Linux နဲ့ Ubuntu ရဲ့ သမိုင်းကြောင်း ဘယ်လိုအသုံးချရလဲ၊ ဘယ်လို ရယူနိုင်လဲ၊ ဘယ်လောက် အသုံးဝင်လဲ ။

အခမဲ့ရရှိနိုင်ပြီး၊ လွတ်လပ်လွယ်ကူစွာအသုံးပြုနိုင်သည့် Linux OS, Ubuntu Distro အကြောင်း သိကောင်းစရာ ဆွေးနွေးပွဲအား အသုံးဝင်ပုံနှင့် အသုံးပြုပုံတို့အား ကိုယ်တိုင် Installation လုပ်ပုံလုပ်နည်း၊ Customization လုပ်နည်း (Windows Software များ/ Game/Effect များထည့်သွင်းခြင်း)လွယ်ကူစွာ အသုံးပြုနည်း ၊ အသုံးပြုရာတွင် ဖြစ်ပေါ်တတ်သည့် အခက်အခဲများ၊စသည်တို့ကို သာမန်အသုံးပြုသူများ အဆင်ပြေစေနိုင်ရန် Presentation များဖြင့် ဆွေးနွေးခြင်း၊ လက်တွေ့ရှင်းလင်းပြသခြင်းများဖြင့် BAK Shopping Center တွင်ပြုလုပ်သွားမည်ဖြစ်ပါသဖြင့် မည်သူမဆို လာရောက်လေ့လာ ဆွေးနွေးနိုင်ပါကြောင်း ။

ပထမရက် (21-Nov စနေနေ့) တွင် မနက်ပိုင်းအစီအစဉ်တွင်ပုံမှန် ဆွေးနွေး ပြသမှုအပြင် Myanmar Linux Lab မှ ဆရာ ပိတောက် Unicode ဖောင့် Creator Keith Stribley မှ လာရောက် ကူညီဆွေးနွေးပေးမည်ဖြစ်ပါကြောင်း ။


ဒုတိယရက် (22-Nov တနင်္ဂနွေနေ့) တွင် ပုံမှန်ဆွေးနွေးမှုအပြင် မြစေတီနှင့် ပိရပိုက် ယူနီကုဒ်ဖောင့် တီထွင်သူ ကိုငွေထွန်းမှ Ubuntu တွင် Wikipedia Offline အသုံးပြုပုံကို ပါဝင်ပြသပေးမည်ဖြစ်ပါကြောင်း။

Wikipedia Offline DVD အခွေ 100 ခန့်ယူလာပြီး Distribute လုပ်မည်ဖြစ်ပါသည်။ ၂၂ ရက်နေ့တွင် Web Designer Htoo Tay Zar မှ Ubuntu မှ ရုပ်ပုံဖန်တီးမှုနှင့် တည်းဖြတ်မှုဆိုင်ရာ (EULA License - Photoshop နှင့် illustrator အစား အခမဲ့ OSS ဖြစ်သော Gimp နှင့် Inkscape) ဆော့ဝဲများအား လက်တွေ့ အသုံးပြုပြသမည်ဖြစ်ပါကြောင်း ။

ပြပွဲရက်နှစ်ရက်လုံးတွင် Ubuntu ဆွေးနွေးပွဲများအပြီး လက်တွေ့လေ့ကျင့်နိုင်ရန် စက်များ ပြင်ဆင်ထားရှိပါကြောင်း။ ကိုယ်တိုင် Installation ပြုလုပ်လိုသူများနှင့် ကိုယ်ပိုင် စက်အား Installation ပြုလုပ်လိုသူများ လာရောက်စမ်းသပ်နိုင်ပါသည်။ Linux Document များအား အခမဲ့ မျှဝေနိုင်ရန် စီစဉ်ထားရှိပါကြောင်း။


Saturngod ၏ iPhone iTouch ပေါ်တွင် မြန်မာဖောင့်နှင့်လက်ကွက် အသုံးပြုနိုင်မည့် နည်းပညာအား အခမဲ့မျှဝေမည်ဖြစ်ပါကြောင်း ။ Myanmar Linux Lab မှ ပြပွဲရက်အတွင်း Discount ဖြင့် သင်တန်းအပ်လက်ခံမည်ဖြစ်ပါကြောင်း။

Microsoft Office အစားထိုးသုံးနိုင်သော OpenOffice အား မြန်မာဘာသာ ဖြင့်ဖြန့်ဝေပေးသွားပါမည် ဖြစ်ပါကြောင်း။ (Unicode5.1 / Zawgyi)

English-မြန်မာ / မြန်မာ-English အသုံးပြုနိုင်သော wxPyDict Windows Dictionary (Unicode5.1 / Zawgyi)၊ Eng-Myan Ornagai Mobile Phone Dictionary (Java Application) ASCII မှ Unicode သို့ပြောင်းသော Converter များ (Win- Font to Zawgyi or Unicode 5.1) စသဖြင့် အခမဲ့ Software များစွာ မျှဝေသွားမည်ရာ မည်သူမဆိုကူးယူနိုင်မည် ဖြစ်ပါကြောင်း ။

Title: Ubuntu Free Show

Date: 21/22-11-2009 (Sat/Sun)

Time: 10:00 to 12:00 Am

2:00 to 4:00 Pm

Location: BAK Shopping Center

Promotion Area

Olympic Tower, 1 floor

Corner of Bo Aung Kyaw Rd And Mahar Bandoola Rd.

Kyauktadar Tsp. Yangon

လင်းဦး(စိတ်ပညာ)